EHUk antolatzen dituen masterrei buruzko jardunaldia dago
iragarrita ostiral honetarako (martxoak 23). Bilboko UPV/EHUren Bizkaia Areto
berri-berrian egingo da, Abandoibarran. Helburua, lizentziako edo graduko azken
urteetan dauden ikasleei (edo ikasketak bukatu dituztenei) euskal
unibertsitateak zer aukera eskaintzen dituen jakitera ematea da, ostiralean
bertan irekiko baita masterretan izena emateko epea.
Egunean zehar, masterretako ikasle eta irakasleek haien
bizipenak kontatuko dituzte, eta 2010-2011 ikasturteko ikasle onenei saria
banatuko zaie. Horrez gain, arratsalde osoan zehar aukeran dauden masterrei buruzko
informazioa eskuragarri egongo da hainbat standetan.
Joateko gogorik izatekotan, izena eman beharra dago.
Horretarako, helbide honetan
bete eta bidal dezakezue inprimakia. Eta joaterik ez baduzue, baina zer esaten duten
jakin nahi baduzue, zuzeneko emanaldia eskainiko du EHU telebistak.
Ekitaldia 15:30etan
hasiko da, eta 15:45etan “La formación de postgrado: una respuesta concreta
ante la crisis” izeneko hitzaldia emango du Jon Landeta irakasleak. Lauretatik
aurrera, eta zazpi eta erdiak arte, zabalik egongo dira stand guztiak. Egitarauari buruz gehiago jakin nahi izanez gero, EHUren webgunean aurki dezakezue informazioa.
Niri ezinezko zait
bertaratzea; hori dela eta, itzulingurugileok ezin izango dizuegu jardunaldiari
buruzko kronikarik eskaini; beraz, zuok zeuok hurbiltzea beste aukerarik ez
duzue!
No hay comentarios:
Publicar un comentario