Coca-Loca merkea nahi dut

Jasotakoak (1) xxxx@gmail.com. Primeran, beste lan bat. Itzulpen bat da, baina ez dizugu hitzetan ordainduko, ordutan baizik. Fitxategia deskargatu. Zer egingo du Firefox-ek fitxategi honekin? Gorde fitxategia. Deskonprimitu. Fitxategia ireki. Hitz zenbaketa egin. Barka, baina, ordutan lan eginez gero, hitza 0,023 zentimotan itzuliko nuke edo, bestela esanda, 9 ordu poramoralarte lan egingo nituzke. Ordu kopurua zuzena al da?

Beno, ez da itzulpen-itzulpena: itzulpen txarra egin behar duzu, berriz irakurri gabe, zuzentzailea pasa gabe; arin egindako itzulpena. Eta nahita txarto itzultzea posible al da? Erantzunik ez. 20 minutu pasa ostean: ez dakit zer arazo duzun. Guk ez dizugu Coca-Colarik eskatu Coca-Loca eskatu dizugu, eta, jakina, Coca-Loca ez da Coca-Colaren prezioan ordaintzen. Baina, lasai egon, beste itzultzaile batek hartu du lana. (Bertsio laburtua)

 

Ez dakit zerk amorratu nauen gehien. Aukeran: 

• Zenbait enpresatan, 0,023 tarifa ziztrina egokia dela pentsatzeak
• Itzultzailearen lana gutxiesteak
• Heusckararik badela pentsatzeak (pero español perfecto, por favor) 
• Lan-baldintza horiek onargarriak ez direla eztabaidatu ostean, beste norbait atzetik etorri eta horiek onartzeak 
• Lana horren truke egiten duten pertsonak egoteak

Ez naiz hausnarketan hasiko konponbidea zein izan zitekeen; momentu honetan ez bainuke hitz  iraingarriak, sumingarriak eta haserrezkoak besterik esango. Bota behar nuen eta listo.

PD: aspaldi ez genuen ezer argitaratzen; lanik faltan ez dugun seinale. Barkatu. Saiatuko gara sarriago idazten.